Tuesday, October 4, 2011

yaad aa gayaa

mujh ko shikast-e-dil ka mazaa yaad aa gayaa
tum kyuN udaas ho gaye, kyaa yaad aa gayaa


kehne ko zindagii thii bahut muKhtasar magar
kuch yuN basar hu’ii ke Khuda yaad aa gayaa


barse baGhair hi jo ghataa ghir ke khul gayii
ek be-vafaa kaa ahd-e-vafaa yaad aa gayaa


maanGeinge ab duaa ke use bhuul jaayein ham
lekin jo vo bawaqt-e-du’aa yaad aa gayaa !


hairat hai tumko dekh ke masjid meN ai Khumar
kyaa baat ho gayii jo Khudaa yaad aa gayaa

No comments:

Vertical Bar

c6284600b2c4504c4700725ae468c08f7f18e548a102af1d31
Freelance Jobs

Popular Posts