Ek paigaam mere dosto ke naam

{Ye paigaam mere un dosto ke liye h jinse me apni puri jindgi me kabhi dur nahi hona chahta par haalat or waqt sab karwa dete h aaj ham saath to nahi par ye yakin h ki jab bhi kisi ek ko bhi jarurat hogi sab k sab ek saath honge......}

Raah Dekhi thi iss din ki kab se,
Aage ke sapne saja rakhhe the naa jaane kab se,
Bade utaawle the jaane ko, jindgi ka agla padaaw paane ko,

Par naa jaane kyo dil me aaj kuch halaata h,
waqt ko rok lene ka ji chahta h,
Jin baato ko le kar rote the aaj un par hansi aati h,
Naa jaane kyo aaj un palo ki yaad bahut satati h,
Kaha kartaa tha badi mushkil se 3 saal sah gya,
Par aaj naa jaane kyo lagataa h kuch piche rah gya,
Kahi unkahi hazaaro baate rah gyi, naa bhulne waali kuch yaade rah gyi...


meri taang ab kon khincha karegaa,
sirf mera sar khaane ko kon mera picha karega,
jaha 2 hazar ka hisaab nahi, waha 2-2 rupaye k liye kon ladegaa,
Kon raat bhar jaag kar mere saath padhega,
Kon mera lunch mujhse puche bina  khaayega,
Kon mere naye naye naam banayegaa,


Mai ab bina matalab ke kisse ladungaa,
bina topic ke kisse faaltu bakwaas krunga,
Kon mere fail hone par dilaasa dilayega,
ko galti se no aane par gaaliya sunayega,


Aise dost kaha milenge,
Jo khaayi me bhi dhakka dene aaye,
Or fir tumhe bachaane khud bhi kud jaaye,
Meri gazalo se pareshaan kon hoga,
kabhi mujhe kisi ladki se baat krte dekh hairaan kon hoga,




Kon kahega bhai tere joks par hansi nahi aati,
Kon piche se bula kar kahega aage dekh bhai,
chess me kiske saath khelunga,
Kiske saath boring latcture jhelungaa,
Professor k piche rakhsash ki tarah kon hasega,
"Game me haarne waali ki plate" iss chakkar me kon fasegaa,
Mere certificates ko raddi kahne ki himmat kon krega,
bina dare sacchi raay dene ki himmat kon krega,


Achaanak bina matalb ke kisi ko bhi dekh kar bina matalab ke hasna,
naa jaane ye fir kab hoga,
kah do dosto, dubaara sab hoga,

Dosto ke liye ma'am se kab lad paayenge,
Kya ye din fir se aa paayenge..??


Raat ko do baje poye kon banayega,
dusre ke rum kon ghee churayega,
takle ke sir par ugge naye baal kon dikhayega,
ya hamare gaje ki toppi kon chupayega,
10 glaas juis pine ki shart kon lagayega,


Kon mujhe meri kabiliyat par bharosa dilayega,
or jyada udne par jameen pe laayega,
meri khushi me sach me khus kon hoga,
mere gam me mujhse jyada dukhi kon hoga,


Meri ye kavita kon padhega,
kon isse sach me samjhega,


Bahut kuch likhna abhi baaki h,
kuch saath shayad abhi baaki h,
bas ek baat se dar lagta h dosto,
kahi ham ajnabi naa ban jaaye dosto,
Jindgi ke rango me dosti ka rang fika na pad jaaye,
Kahi aisa naa ho dusre rishto ki bhid me dosti dam tod jaaye,


Jindgi me milne ki fariyaad krte rahna,
agar naa mil sake to kam se kam yaad krte rahna,


Chaahe aaj jitna has lo mujh par me bura nahi maanuga,
iss hansi ko apne dil me basa lunga,
Or jab yaad aayegi tumhaari,
yahi hansi lekar thoda muskura lunga,


Ye tha mere dosto ke liye ek chota sa paigaam....